Europe - Otta Nottathil - accidental_death_albin_shinto

Advertisements

ലാത്വിയയില്‍ ആല്‍ബിന്‍ ഷിന്റോയുടെ മരണം ; നടപടികള്‍ പുരോഗമിയ്ക്കുന്നു

ജോസ് കുമ്പിളുവേലില്‍

Photo #1 - Europe - Otta Nottathil - accidental_death_albin_shinto_latvia

റിഗ:യൂറോപ്യന്‍ രാജ്യമായ ലാത്വിയയിലെ റിഗ നഗരത്തിനടുത്തുള്ള തടാകത്തില്‍ നീന്തലിനിടെ കാണാതായ വിദ്യാര്‍ഥിയുടെ മൃതദേഹം കണ്ടെത്തിയതിന്റെ വെളിച്ചത്തില്‍ ഭൗതിക ശരീരം നാട്ടിലേയ്ക്ക് എത്തിയ്ക്കുന്നതിനുള്ള നടപടികള്‍ പുരോഗമിയ്ക്കുന്നു. ഞായറാഴ്ച രാവിലെ പ്രദേശവാസികളുടെ സഹായത്തോടെ സഹപാഠികള്‍ തെരച്ചിലിനായി ഇറങ്ങിയപ്പോഴാണ് മൃതദേഹം വെള്ളത്തിനു മുകളില്‍ പ്രത്യക്ഷപ്പെട്ടതും തുടര്‍ന്ന് ബോട്ടില്‍ മൃതദേഹം കരയ്ക്കെത്തിച്ചതും. ഉടന്‍തന്നെ പൊലീസും ഫയര്‍ഫോഴ്സും എത്തി മൃതദേഹം ഏറ്റെടുത്ത് മോര്‍ച്ചറിയിലേയ്ക്ക് മാറ്റി. ആല്‍ബിന്റെ യുകെയിലുള്ള ബന്ധു ജോര്‍ജ്ജ്, ലാത്വിയയിലെ സുഹൃത്തുക്കള്‍ ഒപ്പം ലാത്വിയയുടെ ചുമതലയുള്ള സ്വീഡനിലെ ഇന്‍ഡ്യന്‍ എംബംസിയിലെ സെക്കന്റ് സെക്രട്ടറി (കോണ്‍സുലര്‍) പവന്‍കുമാര്‍, ലാത്വിയന്‍ പൊലീസ് എന്നിവരുടെ സാന്നിദ്ധ്യത്തില്‍ മൃതദേഹം തിരിച്ചറിഞ്ഞതായി തിങ്കളാഴ്ച പൊലീസ് സ്ഥിരീകരിച്ചു. ഈ കേസ് അന്വേഷണത്തിനായി പ്രത്യേകം നിയോഗിച്ചിട്ടുള്ള പൊലീസ് ഉദ്യോഗസ്ഥന്റെ ക്ളിയറന്‍ സര്‍ട്ടിഫിക്കറ്റ് ലഭിച്ചാലുടന്‍ നാട്ടിലേയ്ക്ക് കൊണ്ടുവരുന്നതിനുള്ള നടപടികള്‍ ഏറെക്കുറെ പൂര്‍ത്തിയാകും. ഇതിനിടെ ഫ്യൂണറല്‍ ഹോമുമായും ബന്ധപ്പെട്ട് പ്രാഥമിക നടപടികള്‍ ചെയ്യുകയും പോലീസിന്റെ ഭാഗത്തുനിന്നുള്ള പ്രധാന ക്ളിയറന്‍സ് സര്‍ട്ടിഫിക്കറ്റിനായി കാത്തിരിയ്ക്കുകയാണ്. മാത്രമല്ല വിമാനക്കമ്പനിയുമായി ബന്ധപ്പെട്ട് നാട്ടിലേയ്ക്ക് അയക്കുന്നതിനുള്ള കാര്യങ്ങളും അന്വേഷിച്ചു വരികയാണ്.

വിഷയത്തില്‍ ഇടപെട്ട ഇടുക്കി എംപി ഡീന്‍ കുര്യാക്കോസ് ലാത്വിയലെത്തിയ കോണ്‍സുലാര്‍ പവന്‍കുമാറും തമ്മിലും ഫോണില്‍ സംസാരിച്ചു കാര്യങ്ങളുടെ പരോഗതി വിലയിരുത്തി.

ഇന്‍ഡ്യന്‍ വിദേശകാര്യമന്ത്രി എസ് ജയ്ശങ്കര്‍, കേരള സര്‍ക്കാരിന്റെ നോര്‍ക്കയും ഇടപെട്ടിട്ടുണ്ട്. ഇവരുടെ സമയോജിതമായ ഇടപെടല്‍ മൂലം എത്രയും വേഗം മൃതദേഹം നാട്ടിലെത്തിക്കാനുള്ള ശ്രമമാണ് നടക്കുന്നത്. ആല്‍ബിനെ നാട്ടില്‍ തന്നെ സംസ്ക്കരിക്കണമെന്നാണ് കുടുംബത്തിന്റെ ആഗ്രഹം.

ആല്‍ബിന്റെ മാതാപിതാക്കളെ ആശ്വസിപ്പിയ്ക്കാന്‍ എംപി ഡീന്‍ ആല്‍ബിന്റെ ആനച്ചാലിലെ വീട്ടില്‍ എത്തിയിരുന്നു.

തടാകത്തിന്റെ മറുകരയിലേക്കു നീന്തി പോയ സുഹൃത്തുക്കള്‍ക്കു പിന്നാലെ നീന്തിയ ആല്‍ബിന്‍ മറുകരയെത്താറായപ്പോള്‍ കുഴഞ്ഞു പോവുകയും ഒഴുക്കില്‍പ്പെടുകയുമായിരുന്നു. കഴിഞ്ഞ വ്യാഴാഴ്ചയാണ് അപകടം സംഭവിച്ചത്. മറൈന്‍ ടെക്നോളജി പഠിക്കാന്‍ എട്ടു മാസം മുന്‍പാണു ആല്‍ബിന്‍ ലാത്വിയയില്‍ എത്തിയത്. വെള്ളത്തൂവല്‍, ആനച്ചാല്‍ അമ്പലത്തിനു സമീപം അറയ്ക്കല്‍ ഷിന്റോയുടെയും ടീച്ചറായ റീനയുടെയും മകനാണ് 19 കാരനായ ആല്‍ബിന്‍.

- dated 22 Jul 2024

Comments:

Keywords: Europe - Otta Nottathil - accidental_death_albin_shinto_latvia Europe - Otta Nottathil - accidental_death_albin_shinto_latvia,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: